شعر گیلکی با نام قدیم ماسان

گته تله بن ،قدیم ماسان ،گت گته شول

تله همان ،گلو همان ،امُه  صدا د اون صدا نیه

چشمه کنار،لت سر خانه ،تش سر چایی

خانه همان ،چشمه همان ،امه عزیز وی من پیدانیه

جار باغ من ،گت داربن، آغوز چینی

دار همان ،بار همان ،امه بیا د اون بیا نیه

صبح سحر، خنک باد و گالش داد

باد همان ،داد همان ،امه هوا د اون  هوا نیه

آق دار تک ،سبز جل و دس به دعا

دعا همان ،خدا همان ،امه شفا د اون شفا نیه

خاس کو سر ،بچکنه ماس ،گرم کلاس

خاس همان ،ماس همان ،امه صفا د اون صفا نیه

پیر و وچه ،دامان رجه ،پیش به دمال

رجه همان ، وچه همان ، امه بابا د اون بابا نیه

محله من ،بازار سر ،پیاده راه

راه همان ، جا همان ، امه هیچ کی تی آشنا نیه

غروب دمه ،مزار سر ،فاته خوانی

ابر سیاه ،آسمان صدا ،ترمی به اون خدا نیه

شعر از  سید مجتبی فائزی